Published Thursday , on 30 November 2017, 23:47:00 by Igorora Iritararenga Dieudonne

Luka Modric ni umukinnyi mpuzamahanga w’umunya Croatia ukinira ikipe ya Real Madrid yo muri Espagne, kuri ubu arashinjwa kunyereza imisoro hamwe n’umugore we Vadja.

Nk’uko ikinyamakuru Daily mail , dukesha iyi nkuru ibitangaza, ngo Luka Modric arashinjwa n’abashinjacyaha ba Espagne icyaha cyo kunyereza imisoro ibarirwa mu ma Euros 870,728 mu myaka ya za 2013 na 2014.

Uretse Luka ushinjwa iri nyereza misoro, umukinnyi Marcelo bakinana nawe amaze igihe ahamagazwa mu rukiko kwiregura ku bijyanye n’imisoro.

Iki kibazo cy’imisoro cyakunze kugonga abakinnyi b’ibyamamare nka Lionel Messi umwaka ushize, aho yashinjwaga kunyereza imisoro isaga miliyoni eshatu z’ama Euros, abandi bashinjwe inyereza misoro ni nka Christiano Ronaldo, Ricardo Carvalho, Angel Di Maria, Javier Mascherano, Radamel Falcao na Fabio Coentrao.

Uretse abakinnyi n’umutoza Josee Mourinho yigeze gushinjwa inyereza misoro ubwo yari akiri mu ikipe ya Real Madrid.